انا لاحظت وانا بفتح على موقع ماشى ن الصفحة لرئيسيه اتغيرت تماما واتمليت كلها بالأبراج والحظ وقراءة الكف رغم انى بعتقد ان الموقع كان الاول قبل ما اسيبه من شهور كان افضل من كده

مفيش شك ان التغيير والتطوير كويس لكن للافضل والاحسن دايما ...مش أ دخل ألاقى حظك اليوم وانتى رومانسيه وانت شعنون وانتى هتتجوزى بعد عشر سنين وانت هتشتغل بعد الستين ...!كأنك داخل موقع تنجيم او بوابة قارئة الفنجان ال غنى لها عبد الحليم قصيده طويله ...عموما ده مجرد رأى شخصى لان  كذب المنجمون ولو صدقوا واحنا محتاجين اشياء جديه للشباب عن كده لأن شبابنا ضايع و بيعانى من مشاكل الله يعينهم ويديهم القوه لتحملها ..مع تحياتى لجميع العاملين بموقع ماشى

جميع اعضاء المدونة الجميلة مدونة مااااااشى بقولهم

وحشتووووونى

وحشتينى يا سومه مووت

ووحشنتنى بوكا الجميلة ولولى الرقيقة

وتيفا  ودراشا وحشونى اوى   يا رب تكونوا بخير وصحة

وفاكهة المدونة وبركتها الاستاذ صالح 

ونادر وكوايت نايت  وحشونى رغم انهم مش ظاهرين اتمنى يكونوا بخير وصحه

وكمان اعضاء جداد مدوناتهم عجبانى اوى زى اميرة وزيزى اتمنى لهم المزيد من التوفيق

وكمان وحشتينى يا اسماء انا عارفه ان امتحاناتك بدات امبارح ربنا يوفقك  يا سكرة

وكمان ساندى وطماطم وحشونى اوى

بجد كنت من غيركم حزينه وبيكم دايما بحس الفرحه والسعاده من قلبى

تحياتى ليكم

أميره طفلة جميلة فى العاشرة من عمرها وفى الصف الثالث الابتدائى بمدرسة نجع معين بمحافظة قنا

وفى يوم من الايام تفقد السيد مدير الادارة التعليمية مدرسة اميرة وصرح للتلاميذ ضرورة الحضور والالتزام بالزى المدرسى والنظافه يوم 7 مايو الجارى

والسبب ايه ؟؟ ان اطفال المدرسة هينتظروا تشريفة السيد وزير التعليم فى هذا اليوم وسيكونوا فى استقباله امام المدرسة التى سيزورها ويتفقدها

وجيه يوم 7 مايو وحضر اطفال المدرسة ونفذ الاطفال اوامر السيد مدير الادارة ومدير المدرسة ووقفوا فى انتظار تشريف السيد وزير  التعليم من التاسعه صباحا وحتى الحادية عشرة

وكانت درجة الحرارة فى هذا اليوم 43 درجة يعنى بمعنى اصح كاارثة على اطفال بالسن ده يتعرضوا  لدرجة الحرارة دى لكن هنعمل ايه طبعنا ولا هنشترية مش لازم نزوق ونبالغ ونتودد للزائر حتى لو على حساب اطفال ابرياء؟؟؟؟

وبدل ما نفرش للمسئول الارض رمله زياده محبه وتودد نفرشهاله اطفال ابرياء  ليس لهم اى ذنب فى هذه المجاملات

وروحت اميرة بيتها تصرخ وتتالم وتبكى من  الم بدماغها

وارتفعت درجة حرارتهابصورة رهيبة فذهب والديها بها الى الطبيب واخبرهم ان البنت اصيبت بالتهاب حاد بالمخ

وتوفيت اميرة صباح اليوم التالى  للواقعة

وعندما حاول والدها فتح الموضوع وشرح ما حدث لابنته من خلال برنامج العاشرة مساءااا تراجع بعدها فورااا عن حديثه

والسبب طبعا كلنا عارفينه انسان بسيط مغلوب على امره ابنته توفت  ولا يملك اى قوة او مسانده تؤهله للمطالبه بحقه

نتيجة لتعرضه لضغوط كبيرة من ذوى القوة تناااازل عن حقه  باقرار رسمى بان ابنته ماتت قضاء وقدر

ولا عزاء للغلابه البسطاء

ولا تعليق

أثار حوار الزعيم او الفنان عادل امام لمجلة نيوزويك الامريكية جدل ونقاش بل استنكار ورفض من قبل  جمهوره العريض  من مصر

وكان عادل امام  افرط فى المديح والثناء على جمال مبارك ودعا  فيه لترشيح ومبايعة جمال مبارك  رئيسا للجمهورية

وانا برأى الشخصى ان ذلك لن يضيف للفنان عادل امام اى اضافة بل على النقيض لن يجلب له الا مزيد من العزلة والشقاء

ان عادل امام بدعوته فى مجله نيوزويك الامريكية بمبايعة جمال مبارك تناسى ان جمهوره العريض معظمهم من الشباب العاطل اوالمصريين المرضى  او العوانس وهؤلاء جميعهم هم ضحايا  هذه الحكومة ؟؟؟؟؟

ان الفنان عندما يكبر بالسن تظل مكانته وحبه بقلوب جماهيره حتى وان انذوت  عنه الاضواء او ابتعدت

 فعلى كل فنان كبير ان لا يلجأ الى استخدام اساليب او طرق تقلل من مكانته او قيمته سواء ذلك بغرض اضافة شهرة او مصلحه خاصة او كسب مال

بغض النظر عما يصلح للرئاسة او من لا يصلح فاننا بالطبع  كمصريين وجمهور مصرى نرفض ذلك الاسلوب الذى تتبعه بعض المجلات وبعض الفنانين  وبعض الكتاب  بالمحاباة  والتقرب والولاء للحاكم بالاعلان عن مبايعة جمال مبارك

وهم لا يدركون ان ذلك  فى علم الغيب وان افعالهم ما هى  الا كلمااات ليس لها معنى الا انها نفاق  ومبالغة ووصولية

تناول الدكتور فاروق حسنى مرة اخرى شن حملة من الانتقادات ضد حجاب المرأإة المسلمة بعد ما اثار جدل كبير حوله بسبب انتقاداته السابقة للحجاب ولم تتخذ الحكومة المصرية ضده اى اجراء

فى حديث هذه المرة تعرض لحجاب الممثلات زاعما ان كل من وهب ودب اتبع طريق الدعوة الاسلامية متسائلا بنبرة ساخرة :هل حفظ هؤلاء الممثلات القران كاملا؟؟؟

وهل يستطعن الحديث فى تاريخ الاسلام  حتى يتبعوا مسلك الدعاة؟؟؟؟

وبالفعل نحن لا نحبذ اصرار الفنان على ان يكون مشهور فى فنه و اصراره على ان يكون له نفس الشهره حتى بعد اعتزاله للفن وتقربه لله سبحانه وتعالى ..ولكننا نؤيد ونحترم كل فنانه تقربت الى الخالق وابتعدت عن كل سلبيات ومساوىء الوسط الفنى

وايضا تحدث الدكتور فاروق حسنى فى حديثه عن الحجاب قائلا:

اننا حينما نجبر الطفلة على ارتداء الحجاب فاننا نكون بذاك قد اثرنا على مستقبلها الاجتماعى حيث نكون بذلك قد حفزناها قبل الاوان.....

 بالطبع يا دكتور توجد مقوله ماثورة تقول:

التعليم فى الصغر كالنقش على الحجر فما بالك بتعاليم الدين وعقائده  ؟؟؟؟

هل نهيىء  بناتنا لعقائد دينهم بعد ان نعرضهم للسلبيات والتيارات الانحلالية  المنتشرة فى عصرنا هذا لتتأثر وتتشرب بها ثم اطالبها بعد الكبر بالنقيض تماما؟؟؟؟

اننا نزرع اساسيات ديننا فى قلوب بناتنا واولادنا لتكون  هى مفتاح تمييزهم بين الخير والشر ....بين الالتزام والانحراف

وايضا تعرض الدكتور فاروق حسنى لبعض السنه النبوية قائلا :انه للاسف يسمع عن بعض الخزعبلات مثل ان الشخص يدخل  دورة المياه بالقدم اليسرى ويخرج منها باليمنى وهذا مضحك للغاية!!!

ان السنة النبويه بكل ما فيها يؤمن بها المسلم طالما مثبوت صحتها عن رسولنا الكريم لان ديننا هو قرأن الله وسنة  نبيه محمد عليه الصلاة والسلام

واضاف الدكتور ايضااا انه لايمكن اختزال الدين او الايمان والتعمق والتصوف فى الملابس  لأن الاغراءات موجوده بكل مكان حتى عبر الهاتف!!!!

ونحن معك يا دكتور ان الاغراءات موجوده بكل مكان والسبب فى ذلك ان الغريزة موجوده بالبشر رجال ونساء فما بالك اذا  خاطبنا هذه الاغراءات بالسفور والعرى  والبعد عن الحجاب الملام دائما كأنه قضية العصر الوحيدة فى هذا العالم الملىء بكل ما يبعد عن الانسانية

ان الغريزة موجوده بالفطرة  فى كل البشر فعندما تتبرج المرأة بالشارع وتتعرى فانها تخاطب غريزة كل من ينظر اليها وتحفزه على تحريك غريزته فكيف يلام الحجاااب الذى يحمى عفة وطهارة المسلمة !!!!!

ان الله شرع الحجاب لانه اعلم بطبيعة خلقه

لا يمكن ان يختلف اثنان من الرجال على أن التبرج والعرى لا يخاطب الغريزة لدى الرجل حتى فى تلك الدول الغربية التى تهزء بالحجاب ...نلاحظ انتشار الانحلال  والانحراف  بهذه الدول المناهضة  لحجاب المسلمة بسبب انتشار العرى والتبرج فى مجتمعاتهم لان الرجل هو الرجل سواء شرقى او غربى

ان حجاب المسلمة هو تاج عفة وطهارة تعتز به كل مسلمه  لان كل ما هو غالى يحفظ ويغطى ويصان

وكل ما هو رخيص يعرى للقذورات والذباب يدنسه

ابتسم؟انت فى بلد عربى

عندما تكتظ المقاهى بالشباب وتعانى المساجد من الغياب ابتسم انت فى بلد عربى

عندما يستضيفون راقصة لتتكلم عن تحرير فلسطين فابتسم؟انت فى بلد عربى

عندما تدرس الابتدائى 6 سنوات والاعدادى 3 سنوات والثانوى 3 سنوات والجامعه اربع سنوات لتعمل بعدها فى سوق الخضار  فابتسم انت فى بلد عربى

عندما يكون هناك6مليون عامل اجنبى و3 مليون عاطل انت فى دوله عربية

عندما تقوم من النوم لتجد فى  هاتفك المحمول رسائل ليس لها معنى ؟؟فابتسم انت فى بلد عربى

عندما تكون هناك مئات من المجلات تهتم بالفنون المختلفة ولا تجد مجلة واحده تهتم بالامور العلمية ؟؟فابتسم انت فى بلد عربى

عندما تذهب الى تلك المنطقة فى بلدك ...ولا تجد من يتحدث العربية  ..لا تستغرب؟؟انت فى اسواق احدى دول الخليج

عندما تضحك عليك شركة اتصالات فى بلدك وتشفط كل ال فى جيوبك فابتسم؟؟انت فى بلد عربى

عندما تقود سيارتك الامريكية ...وتأكل الهمبورجر...وتشرب البيبسى...؟؟؟ثم تطالب بمقاطعة المنتجات الامريكية فابتسم ؟انت فى بلد عربى

عندما تكون رجل وتستعمل الانترنت باسم بنت ...فابتسم انت فى بلد عربى

خلال ايام  سيتم تشغيل التاكسى الجوى فى مصر

والتاكسى الجوى خدمة مش للمواطن العادى ال زى حالاتنا لااا

دى خدمة خاصة لرجال الاعمال والمجموعات السياحية الصغيرة

لأن التاكسى الجوى يتم تاجيره على انه طائرة صغيرة وطبعا الخدمه دى ما يقدر عليها الا القادر

وهذه الطائرات الصغيرة تسع 10 ركاب وتكاليفها ارخص

مقارنة بالطائرات الكبيرة

يعنى بمعنى اصح هيبقا عندنا زحمة فى الارض والجو

والمشكلة فى الموضوع أن لو نفسى هفتنى على تاكسى جوى اشاور ازاى بأه؟؟؟ ولا احدفه بظلطه؟؟؟

نسيت انا احنا كبيرنا اوى التاكسى او التوك توك!!!! تاكسى جوى ايه بس

يا جماعه مش توفروا الاول  عربيات تنقل البنى امين وبعدين تجيبوا طائرات لرجال الاعمال؟؟؟؟؟

مش فيه حاجه اسمها اولويات وبعدين نتدلع ونهشتك رجال الاعمال والسياح

ولا تلاقى واحد راكب طائرة فوقك وانت  متعلق فى اوتوبيس نقل عام ممكن يولع فى اى لحظه زى ما بنسمع ونشوف

مش غريبة دى ؟الناس تبقا مش لاقيه عربية نظيفة تركبها او اوتوبيس حالته كويسه  او قطارات مش معرضة للاحتراق وده وارد عندنا كتير ونروح نشترى طيارات صغيرة ال هى التاكسى الجوى لرجال الاعمال

يا جماعه مصلحة العام قبل الخاص!!!؟؟ ميعملوش ميزانية لشراء طيران لرجال الاعمال والمواطن المصرى مش لاقى حتى ميه يتاكد انها مش ملوثة يشربها

او مواصلات كويسه يركبها  متخليهوش كاره حياته بعد ما يروح من الشغل

او قطارات بها عيوب وتولع بال فيها باى لحظه

هنتكلم على ايه ولا ايه الخوف تقولوا  انى بايد الاشتراكيه ولا ماركسية لا سمح الله

احنا بس عايزين نظرة وشوية اهتمام لظروف  المواطن المصرى الغلبان وبعدين هاتوا اسطول جوى وبحرى لرجال الاعمال والسياح  ياريت حد يحس بالمواطن المصرى ومعاناته شويه 

لو اخرت عليكم اعرفوا انى اصيبت بضغط عصبى او داء المرارة لان بجد  الحال ينقط ويموت

اه   لو تدرى يا من خلقت بداخلى الحياة

ومعك اهوى الحياة .....وبك احيا الحياة...انى احبك

لاخترت ان تكون اسيرا بقلبى  وتهوى الاسر لاخر الزمان

ولو تدرى انى ارى الجمال بعينيك واحيا بنبض قلبك

واذوب بهمس انفاسك

لاخترت ان تكون اسيرا بقلبى وتهوى الاسر لاخر الزمان

ولو تدرى انك الوحيد بدنياى وانى لا اشعر الامان الا معك

ولا اخشى الزمان ما دام قلبك يدفئنى

لاخترت ان تكون اسيرا بقلبى وتهوى الاسر لاخر الزمان

ولو تدرى ان حبك اضاء حياتى وجعلنى ارى الجنة بدنياى

واحيا بها ملكة متوجة بقصر قلبك الحنون

لاخترت ان تكون اسيرا بقلبى وتهوى الاسر لاخر الزمان

الايام ال فاتت كلنا عرف خبر ملا الصحف وهو:

العثور على خصلة شعر للملك رمسيس التانى

وعملوا مؤتمر صحفى فظيع   رهيب    شنيع  واعلنوا فى المؤتمر بانهم بفضل الله تعالى ورحمته  قدروا يرجعوا 

خصلة شعر رمسيس التانى طويل العمر يطول عمره ويزهزه معبده وينصره على من يعاديه

بصراحة الفرحه غمرتنى اوى من الخبر ومن الضجة ال حصلت لخصلة الشعر قلت افرح وخلاص زى ما هم فرحانين 

وحكاية خصلة الشعر ان فيه واحد سايح اهبل ورث خصلة الشعر من جده ال كان بيحفر المقبرة من زمان

والسايح الغبى عرض خصلة الشعر للبيع على الانترنت برقم اهبل كده جنبيه كم صفر يا دوب

خصلة من شعر رمسيس  يتعملها الضجة دى  ومؤتمر صحفى كبير وتمنها مبلغ بالاصفار دى

طيب دى خصلة شعر وكده  طيب ليه الروح والصحة والمستقبل والوعى الصحى والثقافى والبطالة والتعليم  واحوال المعيشه  مالهاش الاهتمام ده ؟؟؟؟؟؟

ويا ترى  تمن خصلة الشعر ال  بالاصفار دى شامل تكالبف الشامبو والبلسم والموزامبليه !!!!!!!؟؟؟

انا ناسية ايامه مكنش فيه البدع دى  كان نعومه طبيعيه من غير كيماويات وحرارة السشوار وارفه

علشان كده نصيحة لكل قارىء  انه لما يحلق عند الاسطى حماده الحلاق يحافظ على خصلات شعره  وياخدها فى كيس وهو خارج من عند الحلاق

مش جايز يبقالك  بعد  كم الف سنه تاريخ وييجى الحاج  احمد محمود المفتوش   يدور ويكتشف خصلة شعرك ويقوووول الحمدلله  اكتشفنا شعريتين من مواطن مصرى   من اسرة بنت حلال وقد عاصر الفقيد  الفترة التاريخية المعروفة علميا باسم   البطالة وعاصر ايضا  نجوم الفن الجميل  واغانى سلامتك يا دراعى وهركب الحنطور

والله الواحد هيتجنن كل ده علشان خصلة شعر وقضايا كتيرة  مفيش لها للوقت ده حلول او خطوات ايجابية

والناس كلها هتجيلها شعرة من ال بيحصل والله